’n Gemeenskapsforum (GF) is ’n neutrale kommunikasie-en-koördineringsplatform wat in ’n gemeenskap tot stand gebring word om kommunikasie tussen gemeenskapsinstellings te verbeter, aktiwiteite en hulpbronne in dié gemeenskap te koördineer, wedersydse ondersteuning te bewerkstellig, gemeenskapsbetrokkenheid te bevorder en gesamentlike oorhoofse beplanning te doen om ’n sterk, selfstandige gemeenskap te vestig wat op ’n verskeidenheid terreine aktief tot voordeel van die gemeenskap werk. ’n Gemeenskapsforum vorm saam met ander GF’s ’n samewerkingsnetwerk.